Terwyl die gronddebat woed, stel Hartstories van ons land se boere ons voor aan die landbouers wat die kos verbou waarvan Suid-Afrika leef. Ivor Price en Kobus Louwrens bied ʼn intieme blik in die daaglikse plaaslewe en uiteenlopende boere se belewenisse en stories. Of dit nou reuse-agrisake is, of klein plasies wat met passie bewerk word, elke boerdery is uniek en elke boer het ʼn storie. Die boek is ʼn inspirerende ode aan ons landbouers.
Oor die skrywers
Price is veral bekend vir sy rol by RSG se gewilde nuusprogram Monitor en as aanbieder vir SAUK-nuus. Sy ander loopbaanhoogtepunte sluit in tyd in Londen as ’n buitelandse korrespondent vir Media24 en sy werk as joernalistiek-opleier vir die Wêreldkoerantvereniging. Hy is aanbieder van die VIA-program Vir die liefde van die land.
Louwrens is ʼn bekroonde omgewingsverslaggewer en het van Suid- en Oos-Afrika se voorste landboutydskrifte en koerante uitgegee. Hy is die direkteur vir digitale strategie by ʼn bemarkingsagentskap en is bekend vir sy innoverende bemarking van landbou-, wyn- en toerismehandelsmerke.
Prys: R250,00*
*Prys onderworpe aan verandering
Koop die boek by NB-Uitgewers