Dit spook beslis al sedert die oertyd in Suid-Afrika, maar die skrywer begin sy hervertelling van dosyne ware spookverhale met ’n vreemde voorval in November 1653 op ’n seilskippie in Tafelbaai, die eerste opgetekende geval.
Die magdom ware stories in Ware spookverhale van Suid-Afrika is tematies ingedeel volgens die soort verskynsel, van verjaarspoke, saampraatspoke en tydspronge, tot spookmotors, spookdiere, voorbodes en sieners. Die verteltrant is lig en gemaklik met skeute humor.
Oor die skrywer
Daniël Lötter is ’n boorling van die Bo-Karoo waar hy die kuns van storievertel by meesters op dié gebied geleer het. Sy eerste twee boeke, Die grootpad is ’n grondpad en 17 maal moord, het albei in 2020 by Protea Boekhuis verskyn en is goed ontvang.
Prys: R250,00*
*Prys onderworpe aan verandering
Koop die boek by Protea Boekhuis