Wat laat vroue moor? Wat het so verskriklik skeefgeloop in hul lewens dat hulle tot sulke uiterstes gegaan het? Carla van der Spuy se jongste nie-fiksie boek, Bloed op haar hande – vroue agter tralies, vra hierdie soort vrae.
Carla het met Esté Meyer Jansen oor haar boek gesels. Sy vertel van haar ervaringe en hoe sy besef het dat van hierdie vroue, ten spyte van alles, net ʼn mens is wat liefde en aanvaarding smag en selfs ʼn tweede kans verdien.