Die verhandeling in diereprodukte en stropery is ekonomie op sy eie, dit vergelyk goed met die handel van dwelm, wapens en selfs geldwassery, lewer ʼn ongelooflike $230 miljard (sowat R343 biljoen) per jaar op.
Op sy dag was lord Peter Hain ʼn kampvegter teen apartheid en ʼn Britse kabinetsminister, en nou veg hy steeds vir geregtigheid in Suid-Afrika. Hy het sy stem intussen gevoeg by dié van talle omgewingsaktiviste wat pleit om die bewaring van Afrika se natuurlewe.
Hain, wat beslis meer bekend is vir sy nie-fiksie van ʼn politieke aard, het met sy eerste spanningsverhaal, The Rhino Conspiracy, die kollig vierkantig geplaas op hoe korrupsie in die politieke arena die hande van renosterstropers en wildlewehandelaars versterk.
Hain het met Maroela Media oor The Rhino Conspiracy gesels. Hy verduidelik waarom hy die boek as ʼn spanningsverhaal aangepak het en glo daar is hoop in die stropingskrisis van die natuurlewe in Afrika.
- Luister na die volledige onderhoud bo-aan hierdie berig.
- Besoek Save the Rhino se webwerf om die stryd teen renosterstropery te steun.
- The Rhino Conspiracy is deur Jonathan Ball Publishers uitgegee en kan by Graffiti-boeke bestel word.