Argieffoto (Foto: jarmoluk, Pixabay)
C Louis Leipoldt (1880 – 1947)
Op die solder, waar die rotte
Hulle neste altyd bou,
Waar die vlermuise en motte
Elke aand kommissie hou,
Het ek jou gevinde, ou maat; en jou maters lê daar
nou.
Vóór ons voorgeslag gebore
Was, het mense jou gelees;
Monnik, ridder, lank tevore,
Was met jou al maats gewees,
En hul het hul siek gelag oor al jou vuur en al jou
gees.
Baie jare al gelede
Lê jy op die solder daar,
Rustig in jou rus, tevrede
Met jou lot, van jaar tot jaar.
Ou maat, waarom het die rotte vir ons al jou gees
gespaar?
Pragtig!