Gedig: Geslote park

pad_woud_bos_stiltetyd_pixabay.jpg

Argieffoto. (Foto: Pixabay)

Elisabeth Eybers (1915 – 2007)

Seisoene later weer dieselfde paadjie
wat bos-in wegbuig tussen oewerriete
in ysblakers geplant. Die lug skulpglad,
subtiel agter geëtste boomdendriete.

Wreefdiep beweeg ons deur ou blarewrongel
tot jou wit greep die swart versperring toets:
styf en verbeeldingloos in sondagroes
halveer ‘n ysterhek die berketonnel.

Agter die tralies wat ons bedding keer
staan die verlate bank wydsbeen: toneel
van blindelingse uitval en pareer
twee jaar gelede plotseling afgespeel.

O asemloos en warmtewasend
word ons deur sagter aandrang van die bloed
nou tot ʼn vergelyk op staande voet
genoop om nuwe omweë te vind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

1 Kommentaar

jongste oudste gewildste
Elmarie

Hou my hart! Wie kan ons lieflike taal nog so gebruik soos sy? Heerlik om te lees!