Argieffoto (Foto: Pixabay)
Die volgende gedig is gekies vir publikasie in die AVBOB Poësiebiblioteek en word heruitgegee met die toestemming van die AVBOB Poësieprojek . Om dié biblioteek van meer as 18 000 gedigte in al 11 landstale te besigtig, klik hier.
“kruik” deur Susanne Pike
jy’s gekuns uit klei
om perfek in my pottersoond te pas
nege maande tydsaam gebak
dat jy nie dalk kraak
of brokkelrig raak nie
toe ek jou, kosbare kruik,
oondvars in my hande hou,
het ek jou sorgvuldig in
nardusolie gedoop
dat jy in hierdie lewe
van vrede oor kan loop.
- Ter wille van die konteks van hierdie gedig en ter wille van erkenning aan die bron versoek ons dat jy nie bloot net ʼn skermskoot van hierdie gedig op sosiale media sal deel nie, maar eerder die skakel van die Toetentaal-plasing sal gebruik. – Red
