Gedig: Synde moeder

Argieffoto (Foto: Pixabay)

Ester le Roux (vir Esterbeth)

Die jaar loop uit op smal skouers
Haar oë talm tussen blaaie vol ou en nuwe hale
voor sy die oorskietkos vir die hondjie krap
en die bodeur toetrek

Breekware en kersnote klingel met die opruim
Sy spoel haar skottelgoed skitterblink af
en in die skemerlig blom krismisrose deur die venster

Gangaf hang portrette van geslagte
en haar kinders kom in en uit by deure

Vanaand stap sy verby
tot by die Moeder van alle kinders
om in die volheid van tyd
alles te oordink

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae