Klara du Plessis se digbundel, Ekke, is in Kanada bekroon met die Pat Lowther Memorial Award.
Dié toekenning word uitgereik aan ʼn boek digkuns deur ʼn Kanadese vrou en is ter nagedagtenis aan wyle Pat Lowther, wie se loopbaan kortgeknip is deur haar ontydige dood in 1975. Du Plessis ontvang ʼn kontantprys van $2 000.
Sy is in Montreal gebore, maar het grootliks in Bloemfontein grootgeword. Sy skryf in Afrikaans en Engels. Ekke is haar debuutversameling en was ook op die kortlys vir die Gerald Lampert-toekenning.
Sy het aan Montreal se Concordia University gegradueer waar sy haar PhD in Engelse Letterkunde ontvang het. Sy is die redakteur van die Quebec Writers’ Federation se aanlyn literêre joernaal, Carte Blanche.
Die beoordelaars het gesê Du Plessis se poësieversameling verken die veelvoudigheid van die self deur taal met ʼn oorgangsruimte tussen Suid-Afrika en Kanada. Dit is verhalende gedigte.
Lees ‘n uittreksel uit haar digbundel hier
Wat beteken die sin: “Die toekenning word uitgereik aan ‘n boek digkuns van ‘n Kanadese vrou”?
Hoor, hoor!