Dié week word die stigting van die Afrikaanse Taalgenootskap in 1905 herdenk, bekendes soos Lizz Meiring en Ivan Botha vier hul verjaarsdae en die dood van legendes soos Willem Postma en Henriette Grové word gedenk.
In dié terugblik word gebeure, geboortes, sterftes en uitvindsels ingesluit wat spesifiek relevant tot die Afrikaanse taal is.
Gebeure
13 Desember
- 1905 – Afrikaanse Taalgenootskap (ATG) word in Pretoria onder leiding van Gustav Preller
Die doel van die ATG was om Afrikaners te oortuig dat Afrikaans as spreek- en skryftaal behoort gebruik te word, om die Afrikaanse taal in ʼn suiwere vorm te ontwikkel en die aankweking en ontwikkeling van ʼn suiwere Suid-Afrikaanse nasionaliteitsgevoel. Die stigting van die ATG, saam met die Afrikaanse Taalvereniging, is as die aanvang van die Tweede Afrikaanse Taalbeweging beskou.
Geboortes
9 Desember
- 1899 – Matilda Hanekom, Afrikaanse aktrise († 1977)
Hanekom was ʼn baanbreker van Afrikaanse toneelspel. Sy was met Hendrik Hanekom getroud en in 1945 is die eerste Erepenning vir Toneel deur die Suid-Afrikaanse Akademie vir Wetenskap en Kuns aan hulle gesamentlik toegeken.
- 1961 – Lizz Meiring, Suid-Afrikaanse aktrise.
13 Desember
- 1905 – Hendrik Bernardus Thom, ʼn bekroonde Afrikaanse skrywer en historikus († 1983)
HB Thom was van 1954 tot sy aftrede in 1969 die rektor van die Universiteit Stellenbosch. In 1983 is hy tot kanselier van die universiteit verkies, maar hy is aan die einde van dieselfde jaar oorlede nadat hy slegs nege maande as kanselier gedien het. Die HB Thom-teater van die universiteit is na hom vernoem.
- 1948 – Bill Flynn, Suid-Afrikaanse akteur († 2007).
- 1985 – Ivan Botha, Suid-Afrikaanse akteur en skrywer.
14 Desember
- 1867 – Badenhorst (Tant Alie van Transvaal), Afrikaanse patriot en skrywer († 1908)
- 1931 – Margaret Bakkes, Afrikaanse skrywer van romans, kort- en jeugverhale († 2016).
15 Desember
- 1854 – John Daniel Kestell, Suid-Afrikaanse Bybelvertaler, skrywer en kultuurleier († 1941).
Sterftes
11 Desember
- 1981 – ID du Plessis, Afrikaanse skrywer en digter (* 1900).
13 Desember
- 1920 – Willem Postma, een van die eerste voorstanders vir Afrikaans as skryftaal (* 1874).
Het jy geweet? Postma het onder die skuilnaam Dr. O’Kulis geskryf en baanbrekerswerk in Afrikaans gelewer. Hy het bekendheid verwerf vir sy rubriek “Oogdruppels” wat van 6 Oktober 1905 gereeld in die Vriend des Volks verskyn het. Hy het gedurig resepte vir allerlei nasionale oogsiektes gegee, en het oor onderwerpe van die dag, soos die erkenning van Afrikaans as taal, die Vrystaatse onderwysvraagstuk en politieke gebeurtenisse geskryf.
14 Desember
- 2013 – Zirk Bergh, sanger, skiet drie persone en homself (* 1958).
15 Desember
- 2009 – Henriette Grové, Afrikaanse skrywer (* 1922).
Vir meer inligting oor geskiedkundige gebeure rondom Afrikaans besoek die Afrikaanse Wikipedia-webwerf.