Is pers nou swart by die US?

swartgesig-herrie-by-US-Maties

Foto: Facebook.

Met die vinnige optrede van die Universiteit van Stellenbosch (US) het hulle ’n paar voetfoute gemaak.

Heemstede se tema was “Sterreruim” en Poekie Briedenhann sit ’n kroon van tinfoelie met antennas op haar kop, trek ook silwer tinfoelie-“skoene” aan, en verf  haarself pers (wat duidelik op die foto te sien is) om iemand van die buiteruim uit te beeld. Op die Instagram-foto wat die oorsprong was van die “blackface”-klag, het sy geskryf “Extraterrestrial”, maar hierdie kwessie wat alles in konteks sou plaas, word in geen berig genoem nie.

Tot en met die bohaai het sy nie eens die term “blackface” geken nie, maar is gedwing om verskoning op sosiale media te vra. Daar is nooit vir haar gevra of sy haar ouers of regsverteenwoordiging teenwoordig wil hê nie, en of sy hulle nie eers wil raadpleeg of inlig nie. Daar is ook aan haar gesê dat sy met niemand mag praat nie, nie eens die media nie. Waar is die audi alteram partem-reël, naamlik “hoor die ander kant se weergawe”? Dit is verdere intimidasie en hulle snoer haar mond. Nou wil die US ’n verhoor hou, nadat hulle haar klaar skuldig bevind en uit die koshuis geskors het.

Haar regte word deur die US vertrap. Daar is buite haar koshuis getoi-toi en geskree sy moet uitkom en “we will get you!” en woorde met dieselfde strekking op Twitter. Dis intimidasie en strafregtelike “aanranding gewoon”. Hieraan doen die US niks nie en sy kry geen hulp of word beskerm nie. My raad aan haar is: Dagvaar die US en eis ’n verskoning, asook skadevergoeding vir pyn en lyding, naamskending  en moontlike verlies aan werkgeleenthede in die toekoms, aangesien die US haar naam vir die res van haar lewe laat koppel het aan “blackfacing”. Verder dink ek dat die US ook op elke sosiale forum waar haar naam beswadder is, ’n verskoning moet plaas.

Vir die ondersteuners van die Springbokke, Sharks en Blou Bulle ook ’n woord van waarskuwing. Blykbaar is julle eersdaags ook in die moeilikheid met die groen, swart en blou gesigte. Regtig, waar gaan dit eindig?

Adv. T du Preez, Menlopark

 

Hierdie rubriek is ʼn lesersbrief wat op Maroela Media se webwerf gepubliseer is. Die menings en standpunte wat in hierdie skrywe uitgespreek word, is nie noodwendig die beleid of standpunt van Maroela Media se redakteurs, direksie of aandeelhouers nie. -Red

Deel van: Só sê die lesers

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

120 Kommentare

jongste oudste gewildste
ELSABE

Dit is belaglik hulle soek enige iets om ons down te doen maar hoekom mag die straatmense hulle bakkies witverf en geld bedel by ons????????

Retha

Hulle is rasbehepte mense aan die hoof van ‘n universiteit maar hulle kan nie kleur onderskei nie. Ek hoop sy dagvaar die grond onder hulle agterente uit. Om iemand so te intimideer spreek van rassisme, Zuma wil so graag voorbeelde van mense maak. ADV t de Beer verdedig haar in die hofsaak, julle gaan groot voorblaaie maak.

GB Jordaan

“I am proud to be black” said a black man once. “I am proud to be Asian” said an Asian man once. “I am proud to be white” said a racist once.

chrisp

Skelmbosh is werklik ‘n surkis vol narre met die rektor as hoofnar.

Skinny Bob

Afriforum moet die meisie bystaan in ‘n eis teen US.