Thys van Zyl, uitvoerende hoof van Everest Wealth (Foto verskaf)
ʼn Adviseur word omskryf as ʼn persoon wat advies gee op ʼn spesifieke gebied en dus, soos die naam impliseer, gee ʼn finansiële adviseur raad op die gebied van finansies. ʼn Finansiële adviseur stel hom- of haarself ten doel om ʼn kliënt se behoeftes te ontleed en om dan, met inagneming van die behoeftes, ʼn finansiële plan of oplossing saam te stel en voor te lê aan die kliënt.
Tradisioneel gee finansiële adviseurs advies op menige velde soos byvoorbeeld lewensversekering, korttermynversekering en mediese fondse, maar in baie gevalle word beleggings oorgesien en skort adviseurs kundigheid op die gebied. Dit gebeur gereeld, veral wat betref gestruktureerde fondse, dat beleggings aan ʼn fondsbestuurder oorgelaat word, en die adviseur is nie eers betrokke by die beleggingskeuses of die onderliggende fonds se struktuur of aankope nie.
Dit laat ʼn mens wonder of adviseurs te veel vertroue plaas in fondsbestuurders en tradisionele platforms. Oor die laaste vyf jaar het die plaaslike indeks, die Johannesburgse Effektebeurs, groeivolume van 35% opgelewer, of skamele groei van 7% per jaar. In ʼn land met inflasie van ongeveer 6% is 7%-groei net doodeenvoudig nie goed genoeg nie en het dit tot gevolg dat beleggers hulleself bankrot spaar onder die dekmantel van “advies”. Kundige adviseurs sal toesien dat hulle kliënte se swaarverdiende geld belê is in ʼn verskeidenheid hoëgewig kommoditeitsaandele en gestruktureerde fondse wat groei van tot 80% – 100% kan oplewer oor ʼn periode van vyf jaar. Die kundige adviseur sal ook indeksfondse, beursverhandelde fondse en platforms oorweeg wat groei van tussen 100% en 150% oplewer op oorsese platforms.
Die normale Suid-Afrikaanse belegger het nie genoegsame kennis, en kry nie die kundige advies om sy of haar portefeulje elke vyf tot sewe jaar te verdubbel nie. Talle Suid-Afrikaanse beleggers maak finansiële besluite gebaseer op die raad van adviseurs, maar in baie gevalle trek beleggers juis swaar as gevolg van onkundige advies. Kliënte moet nie huiwer om vir hulle adviseurs ongemaklike vrae te vra nie en moet nie huiwer om ʼn tweede mening in te win nie.
Die kern van die saak is dat jy moet verseker dat jou swaarverdiende kapitaal toevertrou word aan ʼn kundige adviseur wat sy sout werd is. ʼn Mens besoek tog nie ʼn veearts as jy griep het nie.
Vir kundige finansiële advies, kontak Everest Wealth by 087 654 8705, stuur ʼn e-pos aan [email protected] of besoek die webwerf https://everestwealth.co.za/
Die ou skoolstelsel het mens nie met “life skills” toegerus nie. Goed soos motorbestuurslisensies en om met jou geld te werk is nie aangebied nie. Ek dink die huidige skoolstelsel is selfs swakker. Hierdie vaardighede moet mens maar self aanleer. Meeste mense doen dit nie en pluk die wrange vrugte in die herfsfase van hulle lewens. Dus, moenie net op ander (soos ‘n CFP) vertrou nie, jy is beslis nie klaar met leer die dag as jy skool/ kollege/ universiteit verlaat nie. Inteendeel, jou leerproses het regtig nou eers begin.
My lewensleuse is : vertrou niemand nie. Punt.