’n Mens beplan sy koers, maar die HERE bepaal sy bestemming. (Spreuke 16:9)
Doelwitte gee rigting. Jy het waarskynlik baie verskillende doelwitte vir die verskillende areas in jou lewe. Maar jou hoofdoelwit behoort te wees om God te volg.
Daar is geen manier om te weet wat die jaar vir jou sal oplewer nie, maar as die Here jou voetstappe bepaal en jy Hom volg, kan jy vir seker weet daar sal ’n doel wees in alles wat jy doen. Besluit dat jy nie van God af sal wegdwaal nie ongeag wat in jou lewe gebeur.
Wat moet gebeur sodat jy God elke dag meer getrou sal volg?