(Foto: Nathan Dumlao/Unsplash)
“Ek was my hande as teken van my onskuld en verskyn voor u altaar, Here, terwyl ek ʼn danklied sing en vertel van al u wonders.” (Psalm 26:6-7)
Skrifgedeelte
Psalm 26:6-7 (NLV)
Oordenking
Dit is altyd wonderlik om te sien hoe eenvoudig, persoonlik Dawid sy verhouding met God beleef het. As hy oortree het, het hy diep skuldig gevoel en pleit dan om vergifnis. Daarna ervaar hy weer vrede en voel hy weer onskuldig, soos in hierdie psalm.
Die Here vergewe ons inderdaad sodat ons werklik vergewe is. Ten spyte van ons gebrokenheid is ons werklik vrygespreek, kan ons werklik vry voel. Trouens, in Jesus Christus is ons nog veel sekerder van ons vryspraak as wat Dawid ooit kon wees. Het jy God se vergifnis aanvaar? Los dan nou die ewige skuldgevoelens. Sit dit net neer – stap vry uit! Jesus het immers sy lewe gegee vir dáárdie voorreg.
Gebed
Vader, dankie vir u vryspraak. Ek wil my onnodige skuldgevoelens ook vir U gee. Amen.
- Hierdie oordenking verskyn in Mini-Oordenkings: Hoop vir elke dag deur Jimi le Roux. Dit word goedgunstiglik deur die Christelike Uitgewersmaatskappy/CUM verskaf.
Amen. Dankie vir boodskap.