Gedagte vir die dag: Gebed is nie altyd maklik nie

Argieffoto (Foto: Umit Bulut/Unsplash)

“Jy moet die Here jou God liefhê met jou hele hart, jou hele siel, al jou krag en jou hele verstand.” En: “Jy moet jou medemens liefhê soos jouself.” (Lukas 10:27)

Skrifgedeelte
Lukas 10:27 (NLV)

Oordenking
Dit is die wetskenner se antwoord op Jesus se vraag oor wat die grootste gebod is. ʼn Mens moet God dus liefhê sonder voorbehoud. So ʼn persoon moet bid soos God van sy kinders verwag.

Dit verg ʼn hele hart om effektief te bid, net soos dit ʼn hele hart verg wat God se gebooie vreugdevol en volkome onderhou. En omdat dit ʼn mens in sy geheel verg om te bid, is dit nie altyd  ʼn maklike taak nie. Gebed is baie meer as om vinnig op jou knieë te gaan en  ʼn paar woorde te sê. Gebed is goddelik.

Gebed

Here, ek besef vandag weer gebed is nie maklik nie. U vra alles van my wanneer ek in gebed tot U nader. Help my asseblief bid. Amen.

• Hierdie oordenking verskyn in Mini-Oordenkings: Hoop vir elke dag deur Jimi le Roux. Dit word goedgunstiglik deur die Christelike Uitgewersmaatskappy/CUM verskaf.