Pak alles gemotiveerd aan. Werk soos vir die Here en nie soos vir mense nie. Weet dat die Here julle met ’n erfdeel sal beloon. Die Eienaar vir wie julle werk, is Christus! (Kolossense 3:23-24)
Dit lyk dalk moeilik om in alles jou beste vir God te gee, maar dit is presies die gesindheid wat God belowe om te beloon.
Wanneer jy jou beste vir Hom gee in jou stiltetyd, sal Hy jou deur gebed en sy Woord inspireer. Wanneer jy die beste uit jou inkomste vir Hom gee, sal Hy jou seën deurdat jy sal sien hoe dit ander help. En wanneer jy jou beste gee om ander te dien, sal jy geseën wees met persoonlike vervulling en hegter verhoudings. God verander jou beste pogings in ewige belonings.
Hoe kan jy vandag jou beste vir God gee?