Gedagte vir die dag:  Hoorder en Verhoorder

reenboog_perde_veld_stiltetyd.jpg

Foto: pixabay.com

Aan U, o God, kom ’n lofsang toe in Sion: geloftes moet betaal word aan U wat die gebed verhoor. (Psalm 65:2-3)

Dawid jubel in hierdie psalm oor die goeie reëns, die deurnat, vrugbare grond en die goeie oeste wat hy om hom sien. God het hulle gebede gehoor. Dis inderdaad vir ons wonderlik as ons bid en dan ontvang soos ons gevra het. Dis wanneer ons voel ons gebedslewe “werk” vir ons. Nogtans “werk” dit nie altyd so nie, want ons idee dat gebed op hierdie wyse moet “werk”, is nie heeltemal reg nie.

Daar is niks verkeerd as God nie ons gebed verhoor net soos ons dit vra nie, want ons vra nie altyd reg nie. God se perspektief is anders as ons s’n en alhoewel Hy alle gebede hoor, verhoor Hy dit op sy eie manier. Die Skrif sê dat die Heilige Gees ons gebede “verbeter” deur self vir ons “ooreenkomstig die wil van God” in te tree. Dan word dit verhoor presies soos dit gevra is. Van ons kant is gebed egter veral om dinge aan God se voete te lê en Hom dan bloot te vertrou.

Getroue God, ek vra U vrymoedig en vertrou U eenvoudig. U plan met my is altyd goed. Amen.

Bron: Hou vas aan die Hoop deur Jimi le Roux
Uitgewer: Christelike Uitgewersmaatskappy/CUM

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Lena Jonk ·

Vertroue op God al wat werk. SY tyd is nie ons tyd nie, ons wil dinge graag he na ons wil maar besef nie altyd dat daardie gebed is wat God vir ons wil he nie, maar iets anders vir ons bestem.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.