Die mens is net ’n bewegende skaduwee. Al sy gejaagdheid is tevergeefs: Hy versamel rykdom, maar weet nie wie dit gaan gebruik nie. (Psalm 39:7)
Ons moenie besig-wees verwar met dinge bereik nie. ’n Dagbeplanner wat te vol is, weerspieël dalk juis ’n gebrek aan verstandige prioritisering. As jy te besig is, het jy nie tyd om enigiets goed te doen of die resultate van jou werk te geniet nie.
Ononderbroke aktiwiteit sonder werklike doelwitte sal jou energie tap en jou gefrustreerd en met ’n gevoel van sinloosheid laat.
Hoe dikwels sê jy jy is te besig? Wat kan jy doen om dit te verander?