Foto: StockSnap/pixabay.com
Here, U sal u doel met my bereik, want u troue liefde, Here, ken geen einde nie. (Psalm 138:8)
Beplanning wys dat jy gretig is om jou tyd sinvol te gebruik en maak jou ’n goeie rentmeester van die hulpbronne wat God vir jou gegee het.
Maak daarom planne – maar moenie hulle te styf vashou nie. Weet dat God van tyd tot tyd vir jou nuwe instruksies sal gee, en jy moet gereed en gewillig wees om jou planne aan te pas wanneer dit gebeur. Jy behoort altyd God se planne vir jou te volg.
Is jy bereid om jou eie planne aan te pas indien God dit van jou vra?
