Drieboneslaai (Foto: Lapa Uitgewers)
ʼn Bymekaargooislaai met goeie vesel.
Lewer 6 porsies
Bestanddele
- 45 ml kanola- of avokado-olie
- 60 ml bruinasyn
- 30 ml witsuiker
- 215 g-blik (124 g gedreineer) gaar groenbone
- 225 g-blik gebakte bone in tamatiesous
- 225 g-blik (147 g gedreineer) botterbone in pekelwater
- 1 klein/50 g ui, geskil, gekap
- 1 middelslag-/100 g rooi soetrissie, ontpit, in blokkies gesny
- 20 ml vars pietersielie, gekap
- varsgemaalde swartpeper, na smaak
Metode
- Meng die olie, asyn en suiker en roer dit totdat die suiker gesmelt is. Voeg al die bone, die ui, soetrissie en pietersielie by en roer.
- Geur dit na smaak met swartpeper en verkoel voor bediening.
Variasie: Vervang die ingemaakte groenbone met 150 g vars groenbone wat in 2 cm-stukkies gesny is. Kook dit vir 2 tot 3 minute. Dreineer en laat afkoel voor gebruik.
Hoe kan ek dit inpak en bêre? Die slaai moet verkoel bly en hou goed vir ʼn week, maar bevriesing word nie aanbeveel nie.
Bron: Uitpakkos
Uitgewer: Lapa
