Resep: Piesangbrood-poeding

Piesangbrood-poeding (Foto: Janie Monsieeur)

ʼn Mengsel van sjokolade, vla en piesangbrood is waarvan drome gemaak word.

Lewer sowat 5 porsies

Bestanddele

• 1 (350 g) piesangbrood
• 1 k room
• 1 e vanieljegeursel
• 100 g suiker
• 1 e vlapoeier
• 2 eiers
• sjokoladesplinters vir bo-op

Metode

1. Sny die piesangbrood in dik skywe en pak dit in ʼn vlak oondbak.
2. Meng die room, vanielje, suiker, vlapoeier en eier in ʼn aparte bak. (Jy kan 1 k melk byvoeg indien bogenoemde nie genoeg is om die piesangbrood goed te bedek nie.)
3. Giet die roommengsel oor die piesangbrood en laat dit vir 5 minute week.
4. Bak by 180 °C vir 30 minute.
5. Sodra die poeding uit die oond kom, sprinkel sjokoladesplinters oor. Sit net so voor of saam met vla of roomys.

Resep: Janie Monsieur