Krummel-hoenderhappies. (Foto: Lapa Uitgewers)
Hierdie hoenderhappies sal ʼn treffer tydens jou volgende familie-ete wees.
Bestanddele
- 10 ml makadamia- of kanola-olie
- 320 ml lae-Gl-broodkrummels, gemaak van 2 snye brood
- 80 ml gerasperde Parmesaankaas
- 2,5 ml sout
- 2,5 ml droë tiemie
- 2,5 ml droë basilie
- 250 ml karringmelk
- 500 g hoenderborsies, ontbeen en sonder vel
Metode
- Voorverhit die oond tot 200 °C.
- Smeer 2 middelslag-bakplate elk met 5 ml olie (of 1 groot bakplaat met 10 ml olie).
- Meng die broodkrummels, Parmesaankaas, sout, tiemie en basilie in ‘n middelslag-mengbak.
- Plaas die karringmelk in ‘n vlak bak.
- Sny die hoenderborsies in 3 x 3 cm-stukkies.
- Gebruik 2 vurke om elke stukkie hoender eers in die karringmelk te doop en dan in die broodkrummelmengsel te rol.
- Versprei die hoenderstukkies egalig in ‘n enkele laag op elke bakplaat en bak 10-15 minute tot gaar.
Bron: Gesonde kosblikke
Uitgewer: Lapa
Waars die res van die metode?
Ek persoonlik hou van n bietjie meer kleur aan hoender. Maar ek weet ook nie of die balletjies nog gebak moet word nie. Met die pietersielie wil ek aanneem dis alreeds gaar?
Gooi paprika by vir kleur en smaak