Lemoenmarmelade. Foto: Bottel en gebruik
Dit is belangrik dat marmelade nie te soet moet wees nie, maar eerder die kenmerkende smaak moet hê van die vrug waarvan dit gekook is.
Lewer ±2 kg
Bestanddele:
- 1 kg bitterlemoene (Sevilla-Iemoene), gehalveer
- 2 liter water
- 2 suurlemoene se sap
- 2 kg suiker
Metode:
- Haal die pitte uit die lemoene en bind die pitte in ʼn moeseliendoek toe. Sny die ongeskilde vrugte in dun repies.
- Plaas die vrugte en die doek met pitte in ʼn groot glasbaken giet die water oor. Plaas ʼn bord bo-op om die vrugte onder te hou en laat dit oornag staan.
- Verhit die vrugte, water en suurlemoensap in ʼn swaarboomkastrol tot kookpunt. Verlaag die hitte en laat prut vir ʼn uur of totdat die lemoenskil sag is.
- Verwyder nou die moeseliensakkie, druk die vloeistof uit en voeg dit by die vrugte.
- Voeg die suiker by en roer oor lae hitte tot dit opgelos is. Skep alle skuim af wat bo-op gevorm het.
- Kook die mengsel vinnig vir 10-15 minute, of totdat die marmelade 105 °C bereik. Toets vir stolpunt.
- Verwyder die kastrol van die hitte en laat staan dit ʼn paar minute.
- Skep die marmelade in gesteriliseerde bottels en verseël.
Wenk:
As bitterlemoene (Sevilla-Iemoene) nie beskikbaar is nie, gebruik dieselfde hoeveelheid soet lemoene, maar vervang vir elke 500 g vrugte een lemoen met ’n suurlemoen.
Bron: Bottel en gebruik
Uitgewer: Lapa
