Maak hierdie heerlike versnapering vir jou volgende koek-en-tee-kuier.
Genoeg vir 12 tot 14
Bestanddele
- 1 e (15 ml) Clover Springbok‑botter
- 1 klein ui, geskil en gekap
- ½ k (75 g) heelpitmielies
- 1 k (125 g) Clover‑goudakaas, gerasper
- 2 e (30 ml) Clover‑suurroom
- 1-2 rooi rissies, ontpit en gesny
- 2 e (30 ml) vars koljanderblare, gekap
- sout en varsgemaalde swartpeper
- 8-10 velle fillodeeg
- ¼ k (60 g) Clover Springbok‑botter; gesmelt
- 1 e (15 ml) sesamsaad
Metode
- Voorverhit die oond tot 180 °C.
- Verhit die 15 ml botter in ’n pan oor lae hitte en soteer die ui 3 tot 4 minute, of tot sag. Skep in ’n mengbak en laat koel af.
- Meng die mielies, kaas, suurroom, rissies en koljander by en geur met sout en peper.
- Plaas ’n fillodeegvel op die werkoppervlak en verf met gesmelte botter.
- Lê nog ’n vel deeg bo-op en sny in drie lang stroke. Bedek die res van die deegvelle met ’n klam vadoek sodat dit nie uitdroog nie.
- Skep ’n eetlepelvol van die mieliemengsel in die een hoek van ’n deegstrook.
- Vou skuinsoor om ’n driehoek te vorm. Hou aan om die deeg om te vou en behou die driehoekvorm.
- Plaas die driehoek op ’n bakplaat. Maak die res van die driehoekies ook so.
- Verf die kante wat na bo lê met gesmelte botter en strooi sesamsaad oor.
- Bak 12 tot 15 minute of tot goudbruin.
Bron: Trooskos
Uitgewer: Lapa
@MM – dit lyk heerlik, maar iets is fout met die eerste bestanddeel wat genoem word. Dit lyk nie volledig nie. Dankie vir die resepte.
Dagsê VannieBaai
Baie dankie vir jou kommentaar.
Die artikel is intussen gewysig om enige verdere verwarring te voorkom.
Groetnis
Janice
nms
Maroela Media