Hierdie resep sal altyd ʼn gunsteling wat aan jou kinderjare herinner, bly. Nou kan jy nuwe herinneringe skep en die resep weer vir die volgende vriende- en familiebyeenkoms voorsit.
Bestanddele
- 230 g (250 ml) sagte botter
- 65 g (½ potjie) Bovril of Marmite
- 24 snye sagte winkelbrood
- 24 ronde soutkoekies, soos Salticrax
- 300 g fyn poeierbiltong
Metode
- Meng die botter en Bovril saam tot glad.
- Smeer dan die bottermengsel op die brood en maak 12 toebroodjies.
- Sny dit met ʼn ronde koekiedrukker (so groot soos die soutkoekies) uit die toebroodjies.
- Smeer ʼn bietjie bottermengsel op elke koekie en plak dit weerskante op die toebroodjiesirkels.
- Smeer die droë kante van die koekies met die bottermengsel en rol dit in die fyn biltong.
- Sit dit saam ander peuselhappies voor en geniet.
Al die Maroela-produkte wat jy in dié video sien, is in ons aanlyn winkel, Die Koöperasie, beskikbaar. Klik hier om dié mooi produkte te koop en jou kombuis in ʼn plaaskombuis te omskep.
Het vroeer jare dit baie gemaak, maar daarvan vergeet. Gaan dit defenitief weer maak. Dis heerlik met bacon kips.
Nog ‘n begrafnis gunsteling…. dis waar jy dit gewoonlik kry.