Soorte resepte:

[Resep] Pynappel-yskastert

(Foto: Lapa)

Yskastert met pynappel? Jy sal nie spyt wees nie!

Bestanddele
• 440 g (1 blik) pynappelstukkies
• 2 x 80 g (2 pakkies) pynappelgeur jelliepoeier
• 380 g (1 blik) ingedampte melk,verkoel
• 2 x 200 g (2 pakkies) tennisbeskuitjies

Metode
1. Dreineer die pynappel en verhit die stroop. Voeg die jellie by en roer om dit op te los. Laat die jellie afkoel en voeg die pynappelstukkies by.
2. Klits die ingedampte melk styf en meng dit met die vrugtemengsel.
3. Rangskik ‘n laag beskuitjies in ‘n tertbak van 22 cm x 35 cm. Skep ‘n laag vrugtemengsel oor. Herhaal die lae.
4. Laat die tert oornag in die yskas staan om te stol.

Bron: 50 Boerekosgeregte
Uitgewer: Lapa

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Cherokee

Jy kan hierdie resep ook gebruik as ‘n dieet.
Nie dat dit sal werk nie maar ten minste sal dit die lekkerste dieet wees waarop jy nog was.

Suzie

Nee wat, die tert gaan my meer as R60 kos!! Ek koop eerder by SPAR n tert..

Daleen

Jy weet dit dan!!!! Verseker as jy dit koop sal dit nie ‘n flop wees nie, baie makliker om dit te koop as te maak

Ben

wat is ingedampte melk?

wilma

Ingedampte melk = evaporated milk.
Dit is soms maar ‘n gesukkel om die regte produk te kry, aangesien alles merendeels in Engels op verpakkings aangedui word.