Hierdie tert is ’n droom vir koffie-liefhebbers. Dit is ongelooflik maklik om te maak, met slegs vyf bestanddele, en sal jou mond behoorlik laat water.
Bestanddele
- 1 pak (200 g) Tennisbeskuitjies
- 250 ml room
- 1 blik karamelkondensmelk
- 25 ml sterk swart koffie
- 1 groot plak donkersjokolade, in stukkies gekap
Metode
- Plaas ʼn laag Tennisbeskuitjies op die bodem van ʼn tertbak.
- Klits die room tot styf.
- Vou die koffie en karamelkondensmelk by die styfgeklopte room in.
- Skep ʼn laag van die karamelmengsel bo-oor die Tennisbeskuitjies en besprinkel met die donkersjokolade.
- Pak nog ʼn laag Tennisbeskuitjies bo-oor en herhaal met die karamelmengsel totdat al die bestanddele opgebruik en die tertbak vol is.
- Plaas dit oornag in die yskas om te stol.
Al die Maroela-produkte wat jy in dié video sien, is in ons aanlyn winkel, Die Koöperasie, beskikbaar. Klik hier om dié mooi produkte te koop en jou kombuis in ’n plaaskombuis te omskep.