Resep: Roereier-wraps

Roereier-wraps (Foto: Lapa-uitgewers)

ʼn Maklike manier om gewone roereier op te kikker!
Lewer 6 porsies

Bestanddele

• 6 eiers
• 125 ml melk
• sout en varsgemaalde swartpeper na smaak
• 30 ml kanola-olie
• 1 middelslag rooi soetrissie, in blokkies gesny
• 1 middelslag groen soetrissie, in blokkies gesny
• 5 tamaties, ontpit en gekap
• 6 wraps

Metode

1. Klits die eiers en melk saam en geur met sout en peper. Hou eenkant.
2. Verhit die olie in ʼn pan en soteer die soetrissies tot sag. Voeg die tamaties by en soteer vir nog 2 minute.
3. Verlaag die hitte en voeg die eiermengsel by. Roer liggies tot die eiers gestol het.
4. Skep die roereier op die wraps en draai dit toe.

Bron: Lekker & vinnig: Lekker wraps

Uitgewer: Lapa