Resep: Lewer in netvet bedek met suurroomsous

Lewer in netvet bedek met suurroomsous. (Foto: Lapa Uitgewers)

ʼn Skilpadjie is glad nie te versmaai nie.

Lewer 15 porsies.

Bestanddele

Lewermengsel

• 500 g lamslewer, gemaal
• 125 ml vars witbroodkrummels
• 1 ui, geskil en gerasper
• 10 ml vars of 5 ml droë pietersielie
• 5 ml sout
• knippie varsgemaalde swartpeper
• 20 ml worcestersous
• 1 eier, geklits
• 400 g netvet, in 15 stukke gesny

Suurroomsous

• 250 ml suurroom
• 20 ml gesnipperde stingeluie
• 5 druppels Tabascosous
• 5 ml worcestersous
• 2 ml suurlemoensap
• 1 knoffelhuisie, geskil en gekneus

Metode

1. Meng al die lewermengselbestanddele, behalwe die netvet.
2. Verdeel die mengsel in 15 porsies, draai elkeen in netvet toe en steek met peuselstokkies vas.
3. Meng al die suurroomsousbestanddele.
4. Rooster die lewer 15-20 minute lank sowat 100 mm bo matige kole. Verwyder die peuselstokkies en sit die lewer dadelik met suurroomsous voor.

Bron: Braaigeregte
Uitgewer: Lapa