Pangebraaide garnale (Foto: Lapa Uitgewers)
Maak smullekker garnale vir die gesin.
Lewer 5-6 porsies
Bestanddele
- 2 e olyfolie
- 15-18 middelslaggarnale, skoongemaak
Marinade
- 2 t gekapte vars knoffel
- 2 t woestyn- of pienk sout
- 2 t Italiaanse kruiemengsel
- ½ t rooipeper
- 6 e olyfolie
- sap van 1 suurlemoen, vars uitgedruk
- 3 e rou heuning
Afronding
- hand vol vars gekapte Italiaanse pietersielie
- vars suurlemoenskywe of wiggies
Metode
- Meng al die bestanddele vir die marinade goed.
- Voorverhit ʼn braaipan of skottelskaar met olyfolie.
- Braai die garnale oor taamlike hoë hitte tot pienk.
- Voeg die marinade by en laat die sous effens verbruin.
- Sit dadelik voor met pietersielie en suurlemoenskywe of wiggies.
Bron: Karlien kan nie kook nie
Uitgewer: Lapa
