Soorte resepte:

Resep: Pizza-omelet

Bestanddele:
6 eiers
125 ml (½ k) water
sout en peper
50 ml (4 e) botter
5 ml (1 t) gemengde kruie
10 ml (2 t) tamatiepuree
250 ml (1 k) gekapte ham
2 tamaties, geskil en in skywe gesny
6 skywe Cheddar-kaas

Metode:
1. Klits die eiers, voeg water by en geur na smaak.
2. Smelt die botter in ‘n groot pan. Voeg daarna eiers by sodra die botter sis.
3. Trek die gestolde eier weg van die kante van die pan sodat die rou eier kan inloop.
4. Sprinkel die kruie bo-oor sodra die onderkant gestol is, maar die bokant nog klam is.
5. Meng tamatiepuree en ham. Smeer oor die omelet.
6. Rangskik tamatie- en kaasskywe oor die ham en laat smelt onder die element van die oond.

Resep: Hester Naudé
Dié resep is oorspronklik in Knuppeldik aan koningskos gepubliseer
Uitgewer: Knuppeldik Trust
Om die resepteboek, Knuppeldik aan koningskos, te bestel, kontak Carien Liebenberg by 0833199636

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae