En die Motor van die Jaar is … ‘n bakkie! Ford se Ranger het vanjaar met die louere weggestap. (Foto: Verskaf)
Die afgelope 37 jaar kroon die Suid-Afrikaanse Gilde van Motorjoernaliste elke jaar ʼn motor van die jaar. ʼn Paar jaar gelede het die kompetisie vir die eerste keer kategorieë ingebring om elke finalis in sy eie kategorie met sy direkte mededingers te vergelyk – eerder as om byvoorbeeld ʼn Porsche met ʼn Polo te vergelyk.
En vanjaar is die SAGMJ se motor van die jaar… ʼn bakkie.
Ford se Ranger spog met die nuwe titel; die eerste keer in die geskiedenis van die kompetisie dat ʼn bakkie met die louere wegstap.
Die toekenning is ʼn aanduiding van hoe die motorlandskap in Suid-Afrika oor die jare verander het asook van die gehalte van die produk wat Ford tans in die mark het om met dié titel weg te stap.
Vanjaar was daar 21 finaliste.
| Kategorie | Finalis |
| Kompak | Renault Clio |
| Kompakte gesinsmotor | BAIC Beijing X55 Nissan Qashqai Opel Mokka VW Taigo |
| Middelslag | Alfa Romeo Tonale Chery Tiggo Pro 8 Honda Civic RS Hyundai Tucson Kia Sportage |
| Premium | Jeep Grand Cherokee L Kia Sorento |
| Avontuur-sportnuts | Ford Everest |
| Dubbelkajuit | Ford Ranger Isuzu D-Max |
| Luuks | Mercedes-Benz S-klas |
| Hoëverrigting | Audi RS3 |
| Nuwe energie | Audi e-tron GT/Audi RS e-tron GT Haval H6 Hibried Toyota Rav4 E-Four Volvo XC40 P8 Recharge |
Die kategoriewenners lyk só:
| Kategorie | Wenner |
| Kompakte gesinsmotor | BAIC Beijing X55 |
| Middelslag | Kia Sportage |
| Premium | Kia Sorento |
| Avontuur-sportnuts | Ford Everest |
| Dubbelkajuit | Ford Ranger |
| Luuks | Mercedes-Benz S-klas |
| Hoëverrigting | Audi RS3 |
| Nuwe energie | Volvo XC40 P8 Recharge |
Vorige jare se wenners lyk só:
| 2022 | Toyota Corolla Cross |
| 2021 | Peugeot 2008 |
| 2020 | Jaguar i-Pace |
| 2019 | Mercedes-Benz A-Klas |
| 2018 | Porsche Panamera |
| 2017 | Opel Astra |
| 2016 | Volvo XC90 |
| 2015 | Porsche Macan S Diesel |
| 2014 | Porsche Cayman S |
| 2013 | Porsche Boxster |
| 2012 | Hyundai Elantra 1.8 GLS |
| 2011 | VW Polo 1.6 TDI & BMW 530d |
| 2010 | VW Golf VI 1.4 TSI Comfortline |
| 2009 | Honda Accord 2.4i Executive |
| 2008 | Mazda 2 Individual |
| 2007 | Honda Civic 1.8 VXi |
| 2006 | Audi A3 Sportback 2.0T FSI |
| 2005 | Volvo S40 |
| 2004 | Renault Mégane 1.9 dCi |
| 2003 | VW Polo 1.4 TDI |
| 2002 | Audi A4 1.9 TDI |
| 2001 | BMW 320d |
| 2000 | Renault Clio 1.4 RT |
| 1999 | Alfa Romeo 156 T-Spark |
| 1998 | Ford Fiesta Fun |
| 1997 | BMW 528i |
| 1996 | Audi A4 1.8 |
| 1995 | Opel Astra 160iS |
| 1994 | Opel Kadett 140 |
| 1993 | BMW 316i |
| 1992 | Nissan Maxima 300 SE |
| 1991 | Opel Monza 160 GSi |
| 1990 | BMW 525i |
| 1989 | Toyota Corolla GLi Executive |
| 1988 | BMW 735i |
| 1987 | Mercedes-Benz 260 |
| 1986 | Toyota Corolla Twin Cam |
Welverdiende prestasie deur Ford SA, die Ranger is eg Suid Afrikaans, word plaaslik vervaardig en klop internasionale vervaardigers. Suid Afrika hoef glad nie terug te staan vir meer gevorderde lande as dit by kwaliteit en bougehalte kom. Die goeie verkope van die nuwe Ranger is nog ‘n bewys dat hy motor van die jaar prestasie verdien. Lekker ry.
Absoluut
Ek sien in 1986 was die Corolla Twin Cam motor van die jaar. Het so een gehad. Beste kar wat ek ooit besit het.
As ek reg onthou het die sitplekke sulke rooi insetsels gehad en die veiligheids gordels was ook rooi. Daardie Twin Cam enjin het hakskene vir die ander motors gewys as jy petrol pedaal so bietjie knyp.
Jy’s reg ja. Die naald was ook baie in die rooi
Beste Tjor wat ek ooit in my lewe besit het! Myne het die samurai sisteem op gehad.
Geluk aan die Ford span, kompetisie is n goeie ding.
En duidelike bewys dat ‘n bakkie nie meer ‘n bakkie is nie, dis nou ‘n luukse motor – met ‘n prys wat daarby pas.
Wat ‘n voertuig!!! Als wat mens kry is werklik waarde vir geld. Op die pad en van die pad ‘n merkwaardige voertuig. Ons geniet ons sin 1000000%