Teen hierdie tyd is gesigsmaskers en handskoene deel van elke Maroela-leser se huishouding noodsaaklikhede.
Maroela Media het aan nog ʼn prettige alternatiewe manier gedink waarvoor jy ʼn handskoene kan aanwend.
Benodighede:
- 1 x latex-handskoen
- sement
- water
Metode:
- Meng ongeveer 250 g sement met genoeg water tot ʼn stywe, maar steeds loperige mengsel.
- Vul die handskoen met die sement tot amper vol. Skud al die lugborrels liggies uit. Knoop die handskoen nou stewig toe sodat die mengsel binne bly.
- Hang die handskoen onderstebo bo-oor ʼn glas/beker.
- Los oornag om hard te word.
- Knip die handskoen oop met ʼn skêr en trek versigtig af.
Die ornament kan nou geverf word en gebruik word as ʼn kersblaker, juwelehouer of selfs ʼn potplanthouer om ʼn klein plantjie in te plant.
Oulik ja…iets om te onthou van die “lockdown” tydperk