Foto’s van Surveyor 1-maanlanding nou beskikbaar

Surveyor 1 op 2 Junie 1966 (Foto: Space.com)

Surveyor 1 op 2 Junie 1966 (Foto: Space.com)

Vyftig jaar ná Surveyor 1 op 2 Junie 1966 sag op die maan geland het, word duisende foto’s wat die tuig destyds geneem het, nou digitaal vir algemene verspreiding voorberei.

Die foto’s is tot dusver in filmformaat geberg, aangesien rekenaars destyds nog nie algemeen in gebruik was om dit daarop te stoor nie. Altesaam 93 000 foto’s van die sending is deur ʼn span uitgesoek en gedigitaliseer, en behoort binne enkele maande vir die algemene publiek beskikbaar te wees.

Surveyor was nie die eerste tuig wat sag op die maan geland het nie. Die USSR se Luna 9, het hom met ’n paar maande voorgespring. Surveyor 1 het egter waardevolle kennis vir toekomstige bemande maanlandings bygedra, soos die aard van die maan se oppervlak en die bedryf van langafstand-kommunikasie.

Bron: Space.com

Herman Toerien

Meer oor die skrywer: Herman Toerien

Herman Toerien is ‘n veelsydige vryskutskrywer van Bloemfontein. Hy het ‘n Honneurs in Politieke Wetenskap, en kwalifikasies in Politieke Wetenskap, Staatsreg, Arbeidsreg en Ekonomie. Artikels en rubrieke uit sy pen het al in meer as 20 publikasies verskyn.

Deel van: Tegnologie

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

8 Kommentare

jongste oudste gewildste
gatiep

Weet nie heokom die USA dan so ver agter SA is dat die photos nou eers uitkom , ons het al vier baie lank computers in SA.

Theuns

Dankie Herman. Ons leer alhoemeer van die heelal in korter termyne. Jare raak nou maande. Altyd intresant en baie beter as poltiek!

John

50 jaar en nooit weer nie! Hoekom nie? Waar op aarde is dit foto’s geneem? Hoekom wil die VSA op Mars gaan plak as hulle nog nie eers ‘n kaia op die maan kan bou nie?

Bokram

agge nee hulle het al die alien fotos terug gehou!

cobusp

Moet asb nie dat die fotos in die hande van die man van die SABC beland nie hy sal dit sensuur en verban want dit is rassisties……………..die fotos is dan swart en wit…….