Sterre betower op glanstapyt by SAG-toekennings

 
  Janie Monsieur

Jennifer Aniston (Foto: Jordan Strauss/Invision/AP)

By vanjaar se Screen Actors Guild- (SAG-)toekennings het die bekendes weereens hul vere behoorlik reg geskud en veral in skakerings van blou en wit gepronk.

Die 26ste jaarlikse SAG-toekennings is Maandag 03:00 (SA tyd) in Los Angeles in die VSA uitgedeel.

Vanjaar het bekendes soos Jennifer Aniston haar gebruiklike swart rok verruil vir ʼn wit Christian Dior-satynrok. Aniston het die toekenning vir beste aktrise in ʼn dramareeks ontvang vir haar rol as Alex Levy in The Morning Show.

Aniston en Reese Witherspoon is saam in dié reeks te sien.

Witherspoon het ʼn noupassende swart-en-silwer eenskouerrok gedra wat geblink het terwyl sy met die tapyt af gestap het.

Zoë Kravitz het verras met ʼn perskekleur rok en lang wit handskoene, terwyl die res van die bekendes dikwels wit-en-blou uitrustings verkies het.

Lae halse, wye rompe en kaal skouers was vanjaar aan die orde van die dag, terwyl die mans netjies in tradisionele swart pakke gelyk het.

Kyk hier hoe die bekendes gelyk het:

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy gehoor?

Nou pra' jý

8 Kommentare

Johan Venter ·

Ja, en daar het ‘ons’ Charlize toe beduie sy sal haar ‘hemp’ uittrek as sy ‘n toekenning kry. Wie wou sy ‘beïndruk’?

Sic? ·

Onthou sy moes ook maar onder begin en haar opwerk boontoe . Dis n siek klomp onthou

VanAfrika ·

Wie dink Charlize is sy nou eintlik, wie wil haar nou kaal sien? Sy het geen klas nie, vergelyk haar nou met Jennifer Anniston, by verre wen Jennifer Anniston, sy is n dame deur en deur.

Karl ·

Sjoe, Jen Jen Jen! en natuurlik Janet (D’arcy) is asemrowend

Nici ·

Van die foto’s wat jul gekies het om te deel by hierdie artikel reflekteer nie die Christelike waardes wat jul beweer jul ondersteun as ‘n mpy nie. Terleurstellend dat jul nie meer betroubaar is nie.

CK ·

@Nici, ek hoop van harte jy maak jou oë toe as jy op ‘n strand loop, want wragtig daar wys die meisies en mans veel meer as die fotos. Dankie Maroela Media vir die foto plasings.

Patch ·

@Nici… REGTIG?? Waar val jy uit? Ek dink die celebs het pragtig gelyk!

Essa ·

Nici, waarna verwys jy? Die klere dalk? Daar was nie klere erger (kaler?) as enige iets wat ons elke dag oral in die media sien nie. Daar is eintlik een of twee rokkies wat ek gedink het is nogal oud modies en dogtertjierig. En ek is maar vaal en konserwatief, maar lyk my ek het die spoor byster geraak êrens.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.