Michael Walter Clarke (28) van Kaapstad word sedert Saterdag vermis nadat hy by ʼn familielid in Brooklyn, Pretoria, gaan kuier het.
Volgens Missing Children SA is Clarke die laaste keer gesien toe hy buite sy neef se huis in Williamstraat, Brooklyn, ʼn sigaret gaan rook het. Sy selfoon, sleutels, beursie en ander persoonlike items is in die huis agter gelaat. Hy het ʼn T-hemp, kortbroek en insteekplakkies aangehad. Clarke het kort bruin hare, bruin oë, is 1,7m lank en weeg 75kg. Hy het tatoeëermerke op beide sy bo-arms. Die woord “Marley” is op sy een kuit getatoeëer.
Mense met inligting oor waar Clarke hom bevind, kan die Brooklyn-polisie by 012 366 1700 kontak.