ANC gaan appelleer teen “Skiet die boer”-uitspraak

Die ANC gaan appèl aanteken teen regter Colin Lamont se beslissing dat die woorde “Dubul’ iBhunu (Skiet die boer) haatspraak is.

ʼn Lid van die ANC se nasionale uitvoerende komitee, Jessie Duarte, het aan die E News kanaal gesê regter Lamont sê beslissing sal onmoontlik wees om toe te pas. Lamont het Maandag beslis dat die ANC-jeugligaleier, Julius Malema, sowel as ANC-ondersteuners nie weer die lied mag sing, in privaat of openbare hoedanigheid nie. Duarte het gesê AfriForum, wat die klag teen Malema aanhangig gemaak het, gebruik die Gelykheidshof om die land terug te neem na die tye van sensuur en dat hulle nasiebou ondermyn. Duarte het onder meer gevra hoe AfriForum sal voel as die Voortrekker Monument gekritiseer word, wat volgens haar afbrekend is teenoor swart mense. Sy sê daar word nie gekyk na liedjies wat Afrikaners sing nie. Duarte het gesê die ANC sal reeds Dinsdag begin voorberei vir sy aansoek om appèl.

Lees meer hier

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.