Bestuurder steeds soek na gru-ongeluk

Die bestuurder van ʼn vragmotor wat in ʼn gru-ongeluk betrokke was waarin 12 mense dood is, was teen Donderdagaand steeds soek.

Lt.kol. Lungelo Dlamini, ʼn polisiewoordvoerder, sê die bestuurder het gevlug nadat sy vragmotor vroeg Donderdagoggend reg van voor teen ʼn Mercedes Sprinter gebots het in Vereeniging. Dlamini sê die bestuurder is na die ongeluk in Sebokeng-hospitaal opgeneem en is later ontslaan. “Ons het sy besonderhede en hoop om hom binnekort te vind.” Die Mercedes het werknemers van ʼn maatskappy in Klerksdorp vervoer toe die ongeluk plaasgevind het.