Drie vas vir gesteelde kos

Drie mans is Sondagoggend in hegtenis geneem vir diefstal en kos ter waarde van R300 000 is herwin.

“Die polisie het omstreeks 01:00 ‘n vragmotor en sleepwa in bosse naby Olifantsfonteinweg en Old Pretoria Mainweg in Midrand opgemerk,” het Wayne Minnaar, hoofsuperintendent van die Johannesburgse Metropolisie, gesê. “By nadere ondersoek het hulle op drie mans afgekom wat besig was om kruideniersware insluitend babakos, babadoeke, en aanroldeodorant ter waarde van R300 000 af te laai.”

“Die kruideniersware is van die vragmotor na ‘n Nissan-bakkie afgelaai. Die eienaar van die vragmotor en sleepwa was ‘n kontrakteurbestuurder vir Spar-kettingwinkels. Al drie die mans is op die toneel in hegtenis geneem,” het Minnaar bygevoeg. Minnaar sê die mans sal Maandag in die landdroshof in Randburg verskyn op aanklag van diefstal.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae