Geen vuurwapenlisensies meer nie

Argieffoto

Gun Free SA, ʼn organisasie wat hulle toespits op ʼn vuurwapenvrye Suid-Afrika, het versoek dat ʼn onmiddellike moratorium geplaas moet word op die uitreik van alle vuurwapenlisensies, -permitte, en –sertifikate.

“Dit sal ondersoekbeamptes die geleentheid bied om die omvang van bedrog en korrupsie deur vuurwapenhandelaars, opleidinginstansies en die polisie te ondersoek,” het Claire Taylor, woordvoerder vir die organisasie, gesê. “Sodoende kan die nodige stappe teen oortreders gedoen word.”

Gun Free SA verwelkom ʼn Kommissie van Ondersoek deur die minister van polisie. “Onlangse bewerings dui daarop dat daar nie beheer uitgeoefen word oor vuurwapens nie,” het Taylor bygevoeg. “Daar is ʼn ondersoek van stapel gestuur oor een van Suid-Afrika se grootste vuurwapenhandelaars nadat ʼn werknemer glo die Valke genader het met bewyse oor beweerde onwettige transaksies, korrupsie, bedrog en die uitvoer van wapens en ammunisie na Rusland, Soedan en Sirië. Vuurwapens word ook vermis uit 13 bewysstore van die polisie en lisensies word uitgereik aan mense met ʼn geskiedenis van gewelddadige optrede.”

Volgens Gun Free SA is ʼn onmiddellike moratorium op die uitreik van vuurwapenlisensies die enigste stap vorentoe.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

20 Kommentare

jongste oudste gewildste
Elize Beukes

En intussen die man op straat met onwettige vuurwapens wat loop en mense moor hoe gaan dit uitgesort word? Daar sal nooit ‘n Gun Free SA wees nie want almal kyk deesdae oor hul skouers net om seker te maak jy is veilig “no matter” waar jy ookal heen gaan nie!

piet

CLAIRE TAYLOR WOON BLYKBAAR NIE IN SUID AFRIKA NIE OF SY IS N ANALFABEET. DIT IS NIE DIE MAN OP STRAAT WAT N PROBLEEM IS NIE MAAR DIE MISDADIGERS MET N OORVLOED VAN GESTEELDE WAPENS OF STAATS UITGEREIKTE WAPENS.

Dries

Daar’s ‘n gesegde wat my Pa altyd sê:

“If you outlaw guns, only outlaws will have guns”!!!!!!!!

Onder watter klip slaap hierdie Claire Taylor??

Alex

Claire Taylor ek stel voor dat jy in die verkeer gaan speel. Die vrou het uitdruklik nie werk vir haar hande nie.

Charles Deale

Duidelik was daar nog nie by die vrou ingebreuk en haar familie ingevaar gestel nie.