Maatskappy ondersoek Saunders-ongeluk

Dudley Saunders Foto: Dudley Joubert, Facebook

Dudley Saunders Foto: Dudley Joubert, Facebook

Die Britse maatskappy vir wie veteraan-kameraman Dudley Saunders gewerk het, ondersoek die omstandighede van sy afsterwe.

Saunders is Maandag in Soweto deur ʼn trein getref terwyl hy kamerawerk vir Arrow Media se World’s Most Extreme gedoen het.

“Ons ondersoek die reeks gebeure wat tot die tragiese ongeluk gelei het en ons dink aan Dudley Saunders se familie en vriende in hierdie baie moeilike tyd,” het die maatskappy in ʼn verklaring gesê.

Aanvanklike berigte het aangedui dat Saunders ten tyde van sy afsterwe kamerawerk vir die BBC gedoen het. Arrow Media het egter Dinsdag bevestig dat Saunders, wat in Johannesburg gebaseer was, besig was met kamerawerk vir dié maatskappy. Hulle is Maandagoggend van sy afsterwe ingelig.

Saunders het ʼn groot gedeelte van die onrus voor die verkiesing in 1994 afgeneem en het onlangs vir Special Assignment vir die SAUK en Carte Blanche vir M-Net gewerk.

Hy was die seun van die voormalige politieke joernalis Cliff Saunders.

Lees ook:
Bekende kameraman Dudley Saunders sterf

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae