Verskillende mense reageer verskillend op die vraag of die Springbokke se jongste rugbyprestasie met euforie gevier moet word, en of dit eers werklik moontlik sal wees as die regering sy staatsrassisme laat vaar.
Presies wat verwag die Suid-Afrikaanse publiek ná die wêreldbekerglorie van die land se meningsvormers – veral die meningsvormers met mediabande?
Dit is problematies net om te sê “die werklikheid”. In die era van fopnuus en samesweringsteorieë, en die vreemde verskynsel dat selfs betreklik goed ingeligte burgers vir bollie “val”, is dit nie so maklik om by die werklikheid te probeer hou, en daarmee weg te kom nie. Dit is gister weer in die nuuskommentaar gedemonstreer waarin gemaan is teen oormatige euforie, omdat die land hom in die verlede goed bloedneus geloop het teen post- euforiese trauma.
Sommige lesers is vies (of erger) oor die euforie so afgemaak word, ander voel weer dat daar te midde van die land se werklikhede in elk geval nie plek was vir euforie nie.
Lesers kan ook aan presies dieselfde feite en versinsels oor pres. Donald Trump blootgestel word, maar die een deel se afkeer in Trump bly groei, ander is op die oorlogspad as enige mediaverwysing oor Trump nie met terme soos “briljant,” “uitsonderlike insigte” en ander gepaard gaan nie. Selfs die mees neutrale houding teenoor Trump word as ’n smeeraanval op Trump beskou, met “noodwendig” CNN en/of The New York Times as bron (maar nie is nie).
Maar kom ons laat vir die oomblik die Amerikaners se kopsere en vreugdes vir die Yanks self. Ons het genoeg kopkrappers van ons eie.
Gaan die rugby-euforie wat nou in Suid-Afrika vaardig is net oor die hou wat dit teen die minder goeie in Suid-Afrika kan inkry? Dinge soos die hoë werkloosheid, die staatsrassisme, die aanslag teen Afrikaans, die plaasaanvalle en vele meer. Wat van die rimpeleffek wat betaal-TV op die gewildheid van sekere sportsoorte het? Betaal-TV is tegnies gesproke hoofsaaklik toeganklik vir die meer welvarende deel van die gemeenskap. Hoeveel kinders uit tradisionele rugby-huise word nou in wese rugbyloos groot. Dieselfde geld krieket, tennis en verskeie ander sportsoorte.
Vrystaters en Oos-Kapenaars wat hul spanne se wedstryde in die Pro-14 wil volg, en nie oor betaal-TV beskik nie, se enigste manier om ’n wedstryd te kan volg is basies deur iewers op die internet ’n webwerf raak te loop met “live scoring”. Om dan die skerm vir omtrent twee uur dop te hou om elke nou en dan te sien daar is beweging op die telbord, is nie die lekkerste manier van ’n wedstryd volg nie.
Of om tydens ’n Curriebeker-wedstryd tussen die Vrystaat en die Haaie in Durban na ’n Zoeloe-radiostasie te moet luister – die enigste wat die wedstryd uitsaai. En al Zoeloe wat die uwe ken is enkele woorde en sinsnedes wat sy kamermaat hom jare gelede as student geleer het.
Twee nuwe bydraes van senior redakteurs van Media 24 dui aan hoe uiteenlopend oor kwessies gedink kan word. Die eerste artikel, deur Adriaan Basson, hoofredakteur van News 24, probeer, om dit moontlik te oorvereenvoudig, die rugby-euforie van duursaamheid te voorsien sodat die positiewe gevolge lank kan voortduur. Die titel van sy artikel is: “The rainbow nation reloaded – let’s not mess it up again.”
Maar nie net rugby het ’n invloed op euforie-vlakke nie. Die aanslag op Afrikaans is sekerlik een van die eerste faktore wat die euforie gaan begin erodeer, indien dit nie reeds in volle gang goed op dreef is nie. Die redakteur van Beeld, Barnard Beukman fokus in sy artikel “Matie-kanselier: Hier kom ’n ding”, op die kontroversie oor afgetrede grondwethofregter Edwin Cameron se verkiesing tot kanselier van Maties.
Op die gevaar af om (onbedoelde) woorde voor Beukman se adres te lê, dit gee wel aandag aan een van die faktore wat die euforiese gees gou pens bo kan laat dryf (mess UP): die aanslag teen Afrikaans. Die hofsaak mag téén Afrikaans sy finale juridiese bestemming bereik het, maar die etiek, of dan gebrek aan etiek, oor die kwessie gaan die poppe nog laat dans.
Met identiteitspolitiek nou dwarsoor die wêreld wat herbesoek word (lees gerus hier, p. 4) – tot verskeie sake in die VSA wat in dié land se Supreme Court onder die soeklig beland, is dit miskien nodig om ook na die voor-94-situasie te verwys. Onder bruin mense het baie ’n fanatiese lojaliteit teenoor die All Blacks en laer strukture ontstaan. Klubs hier het dieselfde name as dié in die land van die Goue Varing gekry. Oudminister Trevor Manuel was een van die mense wat weens sy “dislojaliteit” teenoor Suid-Afrika deurgeloop het weens sy openlike steun aan die All Blacks.
Die rede vir dié lojaliteit word toegeskryf aan die ervaring van uitsluiting van mense wat nie wit is nie op ondermeer die sportterrein. Gaan die ervaring van wit mense van effektiewe uitsluiting in byvoorbeeld die keuring vir kursusse, deur sportkwotas, taalverdringing, velkleurstruikelblokke vir indiensneming ensovoorts nie minstens ’n soortgelyke impak op lojaliteite hê nie?
Kortom, is daar nie ’n klompie sake wat eers reggemaak moet word voor te veel lojale euforiese duursaamheid verwag kan word nie?
Moet die regering eenvoudig wegkom met onverbloemde staatsrassisme en diegene wat daaroor ongelukkig is, verkwalik word oor dislojaliteit?
En ja, die Bokke verdien die eer vir die trots wat hulle onder Suid-Afrikaners wakker gemaak het.
Herman om dit eenvoudig te stel – dit gaan oor prioriteite.
En dis baie duidelik dat ‘n helse klomp mense se prioriteite nie reg is.
Presies, ek weet nie wat het Rugby met die land se situasie uit the waai nie. Volgens my is rugby die rede wat mense dom besluite in die verlede gemaak het.
En die persentasie van mense wat omgee oor die uitkoms van die rugby is veel minder as wat mense sal will glo.
Politici is die grootste vyand van demokrasie, nes die kerk die grootste vyand van christenskap is……
een rugby wedstryd gaan beslis nie jare se haat uitvee nie oor ‘n maand is rugby vergete en moord en roof nogsteed aan orde van die dag as daar nie by die regering ‘n drastiese verandering gaan wees wat ALMAL gelyk behandel en korrupsie teenstaan nie gaan niks verander nie – en ons almal weet dit gaan nie gebeur nie so # net soos julle wil, skrif is lankal aan die muur maak nie saak hoe ‘n mens die prentjie inkleur nie prentjie bly dieselfde
Well said…
Moorde op blankes gaan nog steeds voort en in my omgewing daagliks diefstalle van voertuie, skelmstreke by kitsbanke, en arrogansie van amptenare. Hoe meer dinge verander hoe meer bly hulle dieselfde.
Hi KaterinaKat. So tong in die kies. As ek reg onthou was daar ‘n klompie jare gelede ‘n sokkerwedstryd tussen Honduras en El Salvador (ek weet net dit was twee sentraal-Amerikaanse landjies. Tydens die wedstryd breek daar ‘n bakleiery tussen die twee spanne se ondersteuners uit, en dit lei tot ‘n oorlog, wat 100 dae geduur het. Daar was darem ‘n grensgeskil ook.
In 1995 was ons nog naief om te glo alles sal uitwerk. Nou weet ons ons is onwelkom in die land. Ons regering is totaal bereid om ons uit ons werk, eiendom en lewe uit te werk. Nooit weer sal ons die euforie van 1995 kan beleef nie. Want ons weet….
Fool me once, shame on you. Fool me twice, shame on me.
There is nothing stupid about a rugby match.
Ek vir een kan nie die huidige of in die verste enige “euforie” sien nie – nie eens op die horison nie – ja – noem my swartgallig of pessimisties…of dalk realisties!?!
Saterdag wen ons die wereldbeker rugby, Satermiddag en aand braai en kuier en skater en gesels ons en vier fees en almal is soooo gelukkig en vol “euforie”.
Sondagoggend word bejaardes met byle en pangas gekap.
Soos A Klaasen hierbo weergee, sommige van ons se oogklappe het afgekom sedert ’95. Daar is NIKS om in die land te vier behalwe dat jy nog lewe!
Adam
Jy verwoord en som hierdie kwessie baie mooi op. Stem volkome saam!
Die tydelike euforia vd wêreldbeker gaan zero effek hê. Die meeste probleemfaktore kyk nie eers rugby nie, maar net na hulle eie belange.
Nog nooit in die wêreldgeskiedenis het Sport en sy Oorwinningsbekers, medaljes, “koors” of liriese “dronkenskap” oorloë afgewend of konflik getemper nie. As dit so eenvoudig en horisontaal met ‘n sportgod bereik kon word dan word daar hopeloos te min wêreldwyd teen mekaar gewedywer. As die Here uit ons midde in die agtergrond verdwyn wanneer dit kom by die Genesing van ‘n Land op Sy Voorwaardes, dan weet elke ware gelowige dat die Land en sy mense deur God se smeltkroes sal gaan. Te midde van juigbekers wat sport verheerlik, sal net grootskaalse bekering tot ‘n Ware Oorwinnings beker en ewigdurende Vreugde lei. Die spanning in Suid Afrika sal voortduur tot dan. Daar sal ‘n regerings verandering moét plaasvind. ‘n Mens vra na standvastige, Godvresende regering en ‘n Godvresende begrip van verantwoordbaarheid.
Stem 100% saam met jou Cornelia! GEESTELIKE en Goddelike Hartsverandering en terugkeer na Hom, van/vir almal in Sa
Hier sal nooit weer ‘n Godsvresende regering wees nie.
Baie geluk aan Springbokke! Hulle het soos Super BOKKE gespeel. Ek stem saam; ons moet ons nie deur euforie laat mislei nie. Dit se die vernedering van die Bokke ons omdat hulle in ‘n Proteatrui moes speel. Die enigste bokkie op die trui was ‘n baie klein bokkie op die mou wat so ‘n miskraam fetus lyk. Verder was die swart kaptein die BEE wat die regering en die SARB op die Springbokke afgeforseer het. Dit wys wat ons voretoe wat die BOKKE en ons as Afrikaners kan verwag kan verwag.
NEE! Niks sal of kan ooit verander solank die ANC regime aan die stuur is en Malema aanhits en kwaad teen blankes stook nie.
Daar is soveel verskille tussen die Bokke en die huidige SA mens voel skoon verward. Die grootste daarvan, in my opinie, is dat al die Bokke opgedaag het vir die wedstryd en elkeen hul deel gedoen het. Dis wat skort met SA en ‘n handjie vol kan eenvoudig nie meer die massas dra nie. Mens is dik daarvoor om te hoor “staan saam” wanneer mens nog net staan, jou hele lewe lank moue oprol en werk, belastings betaal, krag rekenings betaal terwyl ander net kyk en vat en eenvoudig weier om hul krag rekenings te betaal en daarmee wegkom. Kom ons begin daar… by die werklikheid want voor ons nie die werklikheid in die oë kyk nie sal geen euforie hierdie landjie en sy mense van hulself red nie.
Dit is altyd van groot belang om iets te sien bloot vir dit wat dit is, Niks meer nie, niks minder nie. Ons het nou ons derde WB verower, iets waaroor bykans almal bly is, maar dit is waar dit eindig. Rassie en Siya gaan nie nou in politiese profete verander nie, ten spyte van polities gelaaide opmerkings. Ons weet ook teen die tyd dat twee vorige WB oorwinnings nie armoede uitgewis het, skuldvlakke verlaag het, werksgeleenthede geskep het, diskriminerende wetgewing laat skrap het of enige van die land se ander probleme laat verdwyn het nie. My siening is eenvoudig: geniet die WB vir ‘n paar dae en vergeet van enige wesenlike “transformasie” wat mag volg.
Het dinge sover vir SA ten goede geeindig, nee dit het nie en met die ANC aan die stuur van sake en die opposisie wat nie korrupsie deur ANC kaders kan verhoed nie, gaan dit vir SA uiters sleg eindig, maar vir die ANC gaan dit volgens plan eindig!
En Afrikaners strompel maar agterna, heilig oortuig dinge gaan uitwerk.
DINK… ons is al netsooo vreeslik moeg en moedeloos en bekommerd, oor wat aangaan en oor als wat nie werk, onder die huidige regering, dat heelwat mense, na strooihalms en RUGBYPLESIER gegryp het, uit pure despirasie, mense…dis eintlik netso hartseer
Die WB oorwinning was wonderlik. Wat het na 95 gebeur? Alle hel het losgebars. Hoeveel mense het hul werk verloor? Hoeveel moorde is gepleeg? Die ANC se vingers het net langer geword en nou is daar niks oor nie. Niks maar niks het beter geword nie. Hospitale en skole het in duie gestort letterlik alles. Duisende van ons kinders bly en werk oorsee. Wat is hier? Die skelms word net van een hoe pos geskuif na n ander een. Kan iemand my antwoord asb?
Niks sal ooit verander in hierdie land nie en alles sal net slegter word vir die blankes in hierdie land. So gemaak, so laat staan.
Droom aan!! Nie solank die ANC regeer nie.
Die bokke het verdien om te wen, punt. Dit het niks aan my situasie verander nie. My bankrekening is steeds leeg, my koskaste het net in wat ek vir ‘n week nodig het. My man het nie die wedstryd gesien nie, hy het gewerk sodat ons kos op die tafel kan kry. By die kettingwinkel (dieselfde middag) staan ‘n vrou met ‘n selfoon en skreeu op die man voor haar “now we will see what will happen”- al wat hy wil doen is sy kruideniers inpak en sy 2 sakkies vat en loop en sy wil hom uit die pad hê – vinniger as wat hy kan beweeg. Ons kyk vir mekaar en wonder oor die dinge “Suid Afrikaners staan saam en Suid Afrika gaan ‘n beter plek word. Droom aan Suid Afrikaners – die hemel het die hel geword.
Aag nee wat all stays the same
Wat was een van die KP ‘s se slagspreuke. [While we play ball the ANC takes all]. Toe word hulle uitgelag. Het dit nie waar geword nie?
Geval van ruil jou erfreg vir ‘n beker vonkelwyn. Maar dit lyk tog of Afrikaners hul lot aanvaar het. Nou moet hulle maar die gevolge dra.