Nuwe naam vir Soccer City

FNB-stadion, ook bekend as Soccer City

Eerste Nasionale Bank (FNB) het Donderdag bevestig hy het ingestem om sy naamgewing- en aanwysingsbordregte vir die FNB-stadion tydens die Africa Cup of Nations (Afcon)-toernooi op te gee.

Tydens die duur van die Afcon-toernooi sal die stadion, ook bekend as Soccer City en waar die finaal van die 2010 Fifa Sokkerwêreldbeker gehou is, as die “nasionale stadion” bekendstaan, berig SowetanLIVE. Die toegewing verstryk sewe dae ná die finale wedstryd op 10 Februarie 2013 wanneer FNB weer sy regte kan opneem.

“As ‘n trots Suid-Afrikaanse bank en in die gees van die nasie om ‘n onvergeetlike Afcon-toernooi te hou, is FNB verheug om op ‘n vreedsame manier tot ‘n vergelyk te kon kom ná ons onlangse gesprekke met die regering en die departement van openbare werke,” het Bernice Samuels, hoofbemarkingsbeampte van FNB, gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 19:30 en 06:00.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.