ʼn Baba van twee maande oud is danksy die flinke optrede van die polisie Saterdag uit ʼn brandende woning in Kimberley in die Noord-Kaap gered.
Die baba se ma het aan die polisie bevestig dat haar kêrel hul kind met geweld by haar weggeneem het, hul albei in die woning toegesluit en gedreig het dat hy die woning gaan afbrand.
Die polisie het met geweld toegang tot die woning gekry en die baba veilig uitgebring.
Die verdagte staan tereg op aanklagte van poging tot moord en sal na verwagting Maandag in die Hanover-landdroshof verskyn.
Die polisiebeamptes word deur genl.maj. Luntu Ngubelanga, waarnemende provinsiale polisiekommissaris in die Noord-Kaap, geloof vir hul heldhaftigheid om die ma en baba van ʼn tragiese lot te red.
Die polisie ondersoek die motief agter hierdie voorval en sal meedoënloos wees om te verseker dat geregtigheid geskied vir slagoffers van geslagsgebaseerde geweld.