Polisieman in sop oor whiskey

Argieffoto.

Argieffoto.

Henrico Adendorff, ʼn polisiebeampte van Kaapstad, is dalk binnekort sy werk kwyt nadat hy glo ʼn bottel whiskey van ʼn geheime agent van die polisie gegryp het en ook omkoopgeld van die agent geëis én aanvaar het.

The Times het Dinsdag berig Adendorff het glo ʼn oop bottel Jack Daniel’s-whiskey uit die agent se voertuig gehaal, waarna hy die omkoopgeld geëis het.

Adendorff moet volgende week in Bellville se gespesialiseerde handelshof verskyn waar hy gevra sal word om sy gedrag te verduidelik. Na wat berig word, het Adendorff ʼn hele paar keer sedert Januarie op aanklag van bedrog in die hof verskyn, en hy is in 2011 in hegtenis geneem.

Die Nasionale Vervolgingsgesag het gesê die polisie het ʼn suksesvolle en spesiale operasie gehou waartydens Adendorff in hegtenis geneem is terwyl hy aan diens was.

– SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
Trippie

Ag nee jinne man, nou wonder ek, daar moet mos nou baie anderskleurige SAPD-lede ook hul werk kwyt wees, sowel as Metropolisielede – soveel van hulle het lang vingers, dan praat ek nie eers van omkoopgeld eis nie.

Lyk my hierdie Mnr Adendorff het maar ‘n klap van die windmeul weg.

TSK !

Willy

Dit lyk my dat party kriminele moelik of nie gerehabiliteer kan word.
Die beste is om hom nie net in hegtenis te neem nie maar ook verwyder uit die samelewing.
Hy stel ‘n swak voorbeeld.

JAVR

Kriminele pas kriminele op! Nee wat laat hy die prys betaal. Wens hulle wil in Gauteng bietjie die skelms vang!!!

J.A.

Oe, julle verskaf my BAIE PLESIER, doe so voort… :)