11-jarige verdrink in Valsbaai

ʼn 11-jarige seun het Sondag by Mnandi-strand in Valsbaai verdrink.

Heinrich van der Rhede, adjunkstasiebevelvoerder van die Nasionale Seereddingsinstituut (NSRI) in Strandfontein, het gesê reddingspersoneel is omstreeks 14:00 na die strand ontbied.

Volgens Van der Rhede is die 11-jarige seun se liggaam uit die water gehaal en is hy op die toneel dood verklaar. Die seun het glo saam met vriende geswem toe hy deur ʼn sleurstroom meegevoer is. Die seun is glo van Philippi.