Afrikanerbond sê MRK verloor ‘alle geloofwaardigheid’ in saak teen Etzebeth

Die Afrikanerbond (AB) sê dit lyk of daar geen sprake is dat ʼn billike en regverdige proses gevolg word om die Springbok Eben Etzebeth te probeer vervolg nie.

Dit volg ná die Menseregtekommissie (MRK) in Augustus ʼn klag ontvang het oor ʼn beweerde bakleiery buite ʼn kroeg in Langebaan aan die Weskus. ʼn Man beweer hy is deur ʼn groep mans aangerand en rassistiese aanmerkings toegesnou. Etzebeth was glo hierby betrokke.

Hy het vroeër al ontken dat hy enigiemand aangerand of rassistiese aanmerkings toegesnou het tydens die voorval.

Jan Bosman, voorsitter van die AB, het Vrydag gesê wat ook al op die betrokke aand in Langebaan gebeur het, moet objektief en regverdig beoordeel word. “Indien enige kwetsende taal gebruik is, moet dit met bewyse gestaaf word en moet die reg sy verloop neem,” het Bosman gesê.

“Die kern is egter dat feite objektief en regverdig beoordeel moet word. Dit word al hoe meer duidelik dat Etzebeth die spilpunt van die perfekte storm geword het, aangeblaas deur ʼn klomp individue wat later betrokke geraak het. Van ʼn regverdige en billike hantering deur die MRK is daar nie sprake nie en indien enige persoon dalk nog getwyfel het oor balans en konsekwentheid by die kommissie en optrede binne hulle mandaat, moet dié geval enige twyfel uit die weg ruim.”

Bosman het gesê selfs Beauty Dlulane, voorsitter van die parlementêre portefeuljekomitee oor sport, kuns en kultuur, het krities gereageer.

Dlulane het gesê die saak is sensitief en moet met sorg hanteer word. “Die saak kon baie anders hanteer word en SA Rugby en die MRK moet die manier hoe hulle hierdie tipe sake hanteer, verbeter. Die benadering om hierdie sake te hanteer moet korrektief van aard wees, en nie ʼn vernedering in die media van mnr. Etzebeth nie en nie die aandag aftrek van Suid-Afrika se deelname aan die Wêreldbeker nie.”

Bosman het gesê die MRK se optrede getuig nie van konsekwentheid nie.

“Die afgelope paar jaar het die MRK duidelik gedemonstreer dat dié grondwetlike instelling nie in staat is om sy grondwetlike pligte na te kom en af te dwing nie. In sommige gevalle is die MRK baie vinnig om uitsprake te lewer ten opsigte van regte wat geskend is, maar wanneer dit polities riskant is, kan individue woer-woer speel met die MRK. Die SAMRK het homself uitgerangeer as saakmakende instelling op die terrein van die handhawing en bevordering van menseregte en het reeds alle geloofwaardigheid verloor,” het Bosman gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

64 Kommentare

jongste oudste gewildste
Ruiklont

Dit is duidelik dat die regering en sy bondgenote al wat blank is uit die kand wil jaag. Die trawante doen omtrent net wat hul wil, (staatskaping as voorbeeld met “ons sal jul nie nou al dood maak nie”) as maar net twee voorbeelde. CR moet begin wys of hy wel in beheer is en of hy wel wil hê die blankes moet deel wees van die toekoms van SA en begin optreë

Johann cb

Rassisme is besig om ‘n betalende beroep te word!

At

MRK is soos sy meester…hul wil SA so ongemaklik as moontlik vir blankes maak. Al is Eben onskuldig, sal die eensydige MRK en sy meester vir Eben skuldig bevind. MRK is soos die KGB…net ‘n marionette.

JV

Dit is nou al deur en deur bewys dat hulle n rassistiese instelling is. Niks word aan die eff, blf, ens, ens gedoen nie. Ek het zero vertroue in die MRK

Philip

Snaaks dat die afrikaner of ou broederbond nou kla, hulle was van die voorbokke met die verraad teen die Afrikaner.