ANC gevra om teen haatspraak op te tree

Skermskoot van die tweet (aanstootlike deel uitgevee)

Skermskoot van die tweet (aanstootlike deel uitgevee)

Die ANC is versoek om teen haatspraak teen die Joodse gemeenskap op te tree ná die plasing, “Bly kalm en moor die Jode”, op Twitter, het The Star Dinsdag berig.

Die SA Joodse Raad van Afgevaardigdes het Sondag ʼn brief aan die ANC gestuur oor die haatspraak op ʼn Twitter-rekening, @ANCYLVote2014.

Die ANC het homself intussen van die Twitter-rekening gedistansieer. Keith Khoza, woordvoerder vir die ANC, het gesê die party moedig nie haatspraak aan nie en sal die voorval ondersoek.

Die ANC-jeugliga het homself ook van die rekening gedistansieer. “Die rekening word nie deur ons bestuur nie en is ook nie deur ons nasionale kantoor of enige van die ANC-jeugliga se provinsiale of streekskantore goedgekeur nie,” het Bandile Masuku, woordvoerder vir die jeugliga, in ʼn verklaring gesê.

Die rekening is intussen van die sosialemedia-platform verwyder.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

7 Kommentare

jongste oudste gewildste
Trippie

Die ANC moedig nie haatspraak aan nie – gmfff, en die sing van KILL THE BOER KILL THE FARMER ?

Yolande Kruger

WOW!!! Wonderwerke gebeur tog nog – laat mens wonder soos met vorige kommentaar – wat van die boer-moord kwessie? Of het Jode skielik van velkleur verander – maar ek is bly vir hulle dit wys God is aan die werk daar.

Pieter Myburgh

Hulle doen dit alweer,ontkenning van goed al is hulle ook hoe betrokke of skuldig.

Aster

So, die Jode het haatspraak teen hulself gespreek? Verstaan ek korrek, of is ek net onnosel vanoggend?
Wat het die ANC met die Jode uit te waai? Hoekom moet hùlle teen die Jode optree?

pop

Aster +Paul, nou voel ek nie meer so mismoedig nie. Dankie vir die lag!!!!!