Argieffoto
Drie verdagtes, waaronder ’n werknemer van ’n bank in Kuruman in die Noord-Kaap, sal na verwagting Donderdag in die hof verskyn op aanklagte van bedrog, diefstal en geldwassery.
Kol. Katlego Mogale, woordvoerder van die polisie, sê in ’n verklaring die bankier, ’n direkteur van openbare werke in Mahikeng in Noordwes en ’n medepligtige is vandeesweek onderskeidelik in Noordwes en Limpopo in hegtenis geneem.
Dít volg nadat die bankier na bewering op 19 Junie 2016 ’n kliënt uit sowat R649 000 bedrieg het, waarna hy die geld onder hom en die twee ander verdagtes verdeel het.
Volgens Mogale het die hoofverdagte glo bedrieglike bankrekeninge oopgemaak en die geld onder hom en sy medebeskuldigdes verdeel.
Al drie verdagtes sal na verwagting in die Kuruman-landdroshof verskyn. Hulle bly tot dan in aanhouding.
Ek reken eerder die geld is tussen hom en sy medepligtiges verdeel en nie onder hom nie.
My se pa sê ok so….LOL
“:Direkteur van Openbare Werke” volgende stap is Parlement toe
Hul volg Block se voorbeeld