Besluit oor Steyn-beeld ‘wys UV onkundig oor geskiedenis’

Pres. M.T. Steyn se beeld mag nie langer op die UV-kampus staan nie omdat hy kwansuis kolonialisme simboliseer. Foto: Verskaf

Die VF Plus-jeug sê die Universiteit van die Vrystaat (UV) se besluit om die standbeeld van pres. MT Steyn van die Bloemfonteinse kampus te verwyder toon finaal dat transformasie op die kampus misluk het.

“Die verwydering van die standbeeld is simbolies dat wit en Afrikaanse studente nie by die UV welkom is nie,” sê Tammy Wessels, VF Plus-jeugleier. “Die redes wat die UV aanvoer vir die verwydering van Steyn se standbeeld, soos die nalatenskap van kolonialisme, wys dat die UV nie net onkundig is oor die geskiedenis van Suid-Afrika nie, maar ook ʼn instansie wat weereens [swig] onder politieke druk.”

Wessels sê Steyn was as Vrystaatse president ʼn vegter teen Britse heerskappy en kolonialisme in Suid-Afrika. Dit is telkens in gesprekke oor Steyn op die kampus uitgewys, maar die UV het dit geïgnoreer.

Die universiteit het nou sy geloofwaardigheid as tersiêre instelling prysgegee ter wille van politieke korrektheid.

“Die universiteit het nou sy geloofwaardigheid as tersiêre instelling prysgegee ter wille van politieke korrektheid. Die VF Plus-jeug het van die begin af voorgestel dat die UV eerder ander leiers se standbeelde moet byvoeg tot die landskap, as om bestaande standbeelde weg te neem.”

Wessels meen daarmee sou transformasie op die kampus op ʼn gesonde wyse plaasgevind en almal welkom laat voel het.

“Steyn se verwydering is ʼn eenrigting-transformasie, wat eintlik blatante diskriminasie is. Die universiteit sê nou vir Afrikaanse studente dat hulle wesenlik nie meer welkom is by die UV nie.”

Die VF Plus veg vir ʼn beter toekoms, sê Wessels, en sal aanhou terugslaan teen diskriminasie teen minderheidsgroepe in Suid-Afrika. “Die VF Plus wil bou aan die toekoms, nie afbreek nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

18 Kommentare

jongste oudste gewildste
leser

en nou gaan die voetstuk of posisie plek maak vir ‘n volksvreemde “figuur” waarvan geen wit mense kennis het nie

Die Stem

Skryf maar alle wit mense uit die geskiedenis. Dit kan nie verander wat gebeur het nie.
Die Graad 7 handboek is juis gevul met propaganda.

Estelle

Wat soek “our people” by ñ universiteit of in enige skool? Dit is mos ñ kolonialistiese instelling?

Johanna Botha

Steyn was LAAANNKKK voor apartheid …wys jou net hoe dom die mense is ????

Therese van Schalkwyk

Iets wat heel duidelik behóórt te wees teen hierdie tyd, is dat oormatige gedienstigheid, ook genoem ‘gatkruip’, nie een jota of tittel se verskil gemaak het op vele terreine nie.
Jonathan Jansen, outeur van ‘n boek waarin hy beweer dat rassisme in die bloed van Afrikaners is, is destyds soos ‘n held verwelkom as rektor.
As oud-Kovsie, dus geensins verbaas oor wat nou gebeur nie, net bitter.